Theravada and vipassana practice teaching mp3 audio by Thee Inn Gu Sayadaw U Oak Ka Hta

Ashin Cakkapala

ဆရာတော် ဦးစက္ကပါလ

အတ္ထု ပ္ပတ္တိအကျဉ်း

အရှင်စက္ကပါလကို ၁၉၈၀ - ခုနှစ်၊ မတ်လ (၁၁) ရက်၊ အင်္ဂါနေ့၌ စစ်ကိုင်းတိုင်း၊ မြင်းမူမြို့နယ်၊ လက်ပန်ရွှာနေ ဦးတင်အောင်+ဒေါ်ပြည့်တင် တို့မှ ဖွားမြင်ခဲ့သည်။

၁၉၉၂ - ခုနှစ်၊ အသက် (၁၂) အရွယ်တွင် ရှင်သာမဏေအဖြစ် သာသနာဘောင်သို့ ဝင်ရောက်ခဲ့ပြီး ထိုနှစ်မှာပင် မန္တလေးမြို့၊ ချမ်းအေးသာဇံမြို့နယ်၊မိုးကောင်းတိုက်သို့ ပညာသင်ရန် ရောက်ရှိခဲ့သည်။

၂၀၀၀ - ခုနှစ် ဧပြီလ (၁၁) ရက်နေ့၌ မန္တလေးမြို့၊ ပုလင်းဝင်းရပ်နေ မဋ္ဌေးဋ္ဌေးဝင်း၊ မသန်းသန်းဝင်း၊ မောင်မျိုးဝင်း တို့၏ ပစ္စယာနုဂ္ဂဟကိုခံယူလျက် စတုတ္ထမြောက် ညောင်ရမ်းဆရာတော်ဘုရားကြီး ဦးပဏ္ဍိစ္စာဘိဝံသကို ဥပစ္ဈာယ်ပြုကာ မြင့်မြတ်သော ရဟန်းအဖြစ်သို့ ရောက်ရှိခဲ့သည်။

၂၀၀၂ - ခုနှစ်၊ အသက် (၂၂) အရွယ်၌ သာသနာဓဇ အစိုးရဓမ္မာစရိယဘွဲ့ကို ရရှိခဲ့သည်။

မန္တလေးမြို့၊ ဗန်းမော်မြို့နှင့် ရန်ကုန်မြို့တို့၌ ပရိယတ္တိစာပေများ သင်ကြားပို့ချရင်း အင်္ဂလိပ်စာသင်ယူခဲ့သည်။

၂၀၀၈ - ခုနှစ်၊ အသက် (၂၈) နှစ်အရွယ်တွင်၌ သီရိလင်္ကာနိုင်ငံ၊ ကေလနိယတက္ကသိုလ်မှ M.A (Buddhist Studies) ဘွဲ့ကို ရရှိခဲ့သည်။

သီရိလင်္ကာနိုင်ငံ၌ နေထိုင်စဉ်အတွင်း မြန်မာကျောင်းသား ရဟန်းတော်များအဖွဲ့ အတွင်းရေးမှူ းအဖြစ် သုံးနှစ်၊ မကုဋာရာမ မြန်မာကျောင်းနာယက အဖြစ် တစ်နှစ်၊ လင်္ကာတမန်မဂ္ဂဇင်းဖြစ်မြောက်ရေးကော်မတီ ဥက္ကဋ္ဌအဖြစ် သုံးနှစ် တာဝန်ထမ်းဆောင်ခဲ့သည်။

၂၀၁၂ - ခုနှစ် အစပိုင်းတွင် မြန်မာနိုင်ငံ၌ ဓမ္မစကူးလ်ဖောင်ဒေးရှင်းအဖွဲ့ကြီး စတင်တည်ထောင်ရာ၌ ဦးဆောင်သူတစ်ဦး အဖြစ် တက်ကြွစွာ ပါဝင်ခဲ့သည်။

၂၀၁၂ - နှစ်မှစ၍ ယနေ့ အချိန်အထိ စင်္ကာပူနိုင်ငံ၊ မင်္ဂလဝိဟာရကျောင်း၌ နေထိုင်လျက် စင်္ကာပူလူမျိုးများအား သုတ္တန်နှင့် အဘိဓမ္မာသင်တန်းများ ပို့ချခြင်း၊ မြန်မာလူမျိုးတို့အား အဘိဓမ္မာသင်တန်းများ ပို့ချခြင်းဖြင့် သာသနာပြုလျက်ရှိပါသည်။